Vadzosezve

Tose yakambodzokera shure murwendo rwedu naMwari—mumipata umo mwoyo yedu yakasiya kutenda kana patakarega kudziya kana kutonhora kwenguva yakareba. Chii chakakudzora muvukama naye?

Muvupenyu chaiho kuziva kutaurirana nevamwe, mudikani akambobva muvukama naMwari zvinogona kuwoma kwazvo. Unogona kufungidzira kuti zvinhu zvingadai zvisina kudai kuti zvive zvisina kudai; unogona kushaya kuti ungataurirana sei navo ikozvino zvavava nemamwe mavonero; unogonazve kurwadziwa nekupererwa nesimba nekuda kwesarudzo dzakaipa dzavanogona kuva vachiri kuita. Pfungwa idzi dzinotokubata bata mumabatiro auchaita mudikani wako, saka zvakakosha kurarama nekutaura kubva mukuzara kwenguva yako naMuponesi wako.

Huchapupu hwevupenyu hwako, mabasa ako, nemashoko ako, minamato yako yaunonamatira mudikani wako kana mwana akabva kuna Mwari zvinogona kushandura vupenyu hwavo neremangwana ravo. (Verenga muna Ruka 22:31, 32 na Johani 21:15–17 kushandurwa kweremangwana raPetro neminamato yaJesu.) Siya kusuwa kose, kutonga nekupa mhaka kwaunogona kuva nako kwavari, asi chikumbira Mwari kutsinhanisa zvaunonzwa izvi nerudo runogona chete kubva kwaari. Kumbira kuti Mwari akufukidze nechimiro chake kuti uratidze rudo nekusazvikudza. Rangarira kuti “hakuna imwezve nzira inogona kubata mweya wemunhu ingafanana nevupenyu hwekuzvipira nekudavamwe kusina chindini. Nharo dzakasimbisisa dzinopa kukurira kuevhangeri Mukristu anoda uye anodika.”—Ellen G. White.

Kuburikidza nevupenyu hwedu hwakarongeka hunokwevera vamwe kuna Kristu, avo vakaramba Kristu vachavona matiri chimwe chinhu chinongobva kuna Mwari chete. Vachavona rugare runopfuvura kunzwisisa kose, rudo rusingaregedzi, tariro inodaira kunyange zvinhu zvose zvakawoma. Rudo rwaMwari kwatiri nevanodikanwa vedu harushanduki. Tinogona kupa rudo urwu, rwatinogashira mazuva ose, kuti tipe avo vakatipoteredza.