Kudzidza Kuenda Mberi

Tinoruramiswa nekutenda (VaRoma 5:1). Toitwa vatsvene nekucheneswa nekutenda (Mabasa 26:18). Kana tichikoka Jesu muvupenyu hwedu, tinovawo vana vaMwari nekutenda (Johani 1:12). Tinorarama nekutenda muMwanakomana waMwari (VaGaratia 2:20).

“Hakuna chimiro chinoita sechisina basa nekupererwa, asi chinokurira, chingaita semunhu anonzwa asingabatsiriki ari woga asi anotsamira panezvakaitwa naMuponesi. Nemunamato, nekudzidza shoko rake, nekugara maari nekutenda, munhu asina simba zvachose anogona kurarama muhumwe naKristu, nekumubata neruvoko rusingaregedzi.”—Ellen G. White.

“Kutenda kwavo kunofanira kusimbiswa neminamato yakaperera yakasimba inekuzvinyima, nekuzvininipisa. Vanofanira kuzvidurura, nekuzadzwa neMweya nesimba raMwari. Kukumbira kwakaperera kunekushinga kuna Mwari nekutenda—kutenda kunotungamirira kukutsamira pana Mwari, kuzvipira zvachose kubasa rake—ndizvo zvoga zvinogona kusvitsa vanhu kurubatsiro rwaMweya Mutsvene muhondo nemasimba, nevakuru, nevatongi verima renyika ino, nemweya yakaipa iri munzvimbo dzakakwirira.”—Ellen G. White.

Mibvunzo Yekutaurirana:

Pfupiso: Mwari anopa munhu wose chiyero chekutenda sehwaro hwevukama naye. SeMuvambi neMukwanisi wekutenda kwedu, Jesu akatiratidza simba rekutenda. Kana kutenda kwedu kwavakuduku, tichivuya nekuchema nekukumbira nemwoyo yakazvipira, Mwari achaita minana muvupenyu hwedu (tarisa Jeremia 31:2–4, 9, 11, 12). Achatitungamirira munzira dzake dzakarurama kuti tisagumburwa zve, uye tichava nerugare. Jesu ndiye muenzaniso wedu wakaperera muzvinhu zvose, nekuva nekutenda kwake achativona sevanhu vake mukupera kwenguva.