Silaha Yenye Nguvu Zaidi

Kabla ya kuchunguza kwa nini Biblia ni ya thamani sana na jinsi ya kuchimba zaidi katika mafunzo yetu binafsi ya Biblia, ni lazima tuelewe jambo fulani: Mojawapo ya mashambulizi makubwa zaidi ambayo Shetani anaweza kufanya juu yako ni kukuzuia kutumia wakati pamoja na Mungu katika Neno Lake. Kuwaweka watu mbali na Biblia zao kupitia biashara, kutojali, uchovu, au mashaka ni mkakati wake wa kwanza. Ibilisi anajua kwamba tunapotumia muda pamoja na Mungu katika Neno Lake, litahuisha maisha yetu na kulisha nafsi zetu, kwa hiyo bila shaka atafanya kila kitu kuzuia hili!

Tunaambiwa kwamba “Shetani anatumia kila njia inayowezekana kuzuia watu wasipate ujuzi wa Biblia; kwa kuwa maneno yake ya wazi yanafunua uongo wake.” —Ellen G. White, Pambano Kuu 448. Shetani anajua kwamba Neno la Mungu lenye nguvu humfanya asiwe na nguvu. Shetani anajua kwamba maombi na kujifunza Biblia ndizo silaha zenye nguvu zaidi ambazo wanadamu wanaweza kutumia dhidi yake (Efe. 6:17, 18; Ebr 4:12), kwa hiyo anafanya yote awezayo ili kutuzuia tusisome Neno la Mungu na kuomba. Anajua kwamba maneno ya Mungu yana nguvu na kwamba hayakuitamka tu dunia hii hadi ikawepo (Zab. 33:6), lakini yanaweza kufufua wafu (Yn. 11:41-44) na kutupatia nguvu za kushinda (Mt. 4:1—11).

Kwa kuwaweka watu wa Mungu mbali na Biblia zao, Shetani anaathiri si uhusiano wetu pamoja na Mungu tu bali pia uhusiano wetu pamoja na wengine. Ndoa zetu huwa na matatizo, tunawafokea watoto wetu, na hatuna subira na marafiki au wafanyakazi wenzetu. Maisha yanaonekana kuwa na shughuli nyingi; tunahisi msongo na kulemewa, bila njia ya mahali pa kukimbilia. Cha kushangaza ni kwamba mara nyingi hatusiti ili kutambua kinachoendelea. Tunaweza kufikiri kwamba tuko karibu na Mungu, lakini kwa kweli, siku zinazopita na majuma yanapopita bila Neno la Mungu, tunadhoofika zaidi kila siku.

Kama kerubi afunikaye kabla hajaanguka (Eze. 28:14-17), Lusifa alisikia maneno ya Mungu na alijua uwezo wao wa ajabu. Sasa anachukia ukweli huu, kwa hiyo ni wazi kwa nini akili zetu zinakufa ganzi na mioyo yetu inatiwa utusitusi wakati hatuchagui kusikia na kuleta maneno ya Mungu katika maisha yetu ya kila siku.